A1戰場 ~ 第二回 (T4-16 PYC SET-UP SHEET)

 

經過昨日激烈既比賽，今日就同大家分享下比賽既setting同車呔準備既心得。今次既主角，梗係我地團隊最喜歡既車架 Xray T4。

今次亦都係 Xray T4 2016 正式出賽既第一次，呢部車係我地較早前同大家一齊分享砌車既過程及細節，如果你仲未睇，咁你真係要睇下。

返回正題，先講比賽既天氣，氣溫約13~15度，不時吹起陣陣涼風，就係呢啲涼風，令到賽道既抓着力不穩。所以今次最主要既改動，就係尾差速油既度數由 5000 減到去 2000，從而增強整體車架既抓着力同灣道既反應。其他車架上既設定，睇返附上既 setting sheet。⋯⋯
由於車架設定並唔係適合每位朋友，咁所以我會講多啲車呔上既心得同大家分享。

今次既比賽係用自選車呔，即係你可以用你最喜愛既配搭去作賽，有好亦有唔好，好既就係唔需要用一啲自己唔擅長既車呔比賽，唔好就係你要試唔同既組合，你地都知道市面上有幾多呔既度數，呔膽既軟硬，不同車令既選擇。

响比賽前一日，我同 "主編" "02車手" 都响車場作最後準備，當日場地既 traction 係偏低，因為連日來既不穩天氣，令大家都覺得用低溫呔作賽會有一定既優勢，點知特然傳來一啲消息話用高溫呔跑到一啲其快既圈速，跟住已經有啲朋友已經問我地有無嗰隻高溫呔，我地成間房，得一包! 無辨法幫唔到佢地。之後陸續都有話用嗰款呔既人都跑到好快既 Best lap。而我選用既 TeamPowers 34x 响嗰日都跑唔到比較接近既 lap time，時間飛逝，開始入黑，原本我係會用兩套 TeamPowers 34x 作賽，最後我放棄其中一套，轉用該高溫呔。

另一問題又開始，當我準備好晒新呔既時候，室外溫度已急降，較早前 "主編" 已經介紹用 $10 神器處理新呔，但低溫情況下，新呔係好難去 run-in 到理想既程度。唯有用磨呔機反覆打磨再落地行咗兩排電，先至到理想既效果。

到比賽當日，試車時段，我睇番其他快既選手既lap time仍有一段距離，慢0.4秒，之後我就改用2000度油尾差速作第一次初賽。

正如之前所講，陣陣既涼風起咗賽道既變化，開始見到場地抓着力下降。而我已經一早準備用 Trinity 白點呔水用 60 溫度 tire warmer 煲10分鐘，再用黃罐 V3 用 75 度再煲 7 分鐘，我由初賽到決賽都係用呢一個方法去處理，最重要係我响最後一刻先會拎走嗰 warmer，所以我套呔應該係長時間都係暖既。幸運地，响第一二輪既初賽已經攞到 TQ，所以到第三輪既初賽我用咗 ARS 試比大家睇下個分別，詳情睇番 "主編" 既片。

去到第一輪決賽，天氣無大既分別，我仍然都係用緊套 34X 比賽，照計到呔已經去到第六餅電 (1次磨呔，2次run in, 2次初賽) 呔既狀態仍然良好，輕易地攞到 Round 1 既頭車，去到Round 2，無改變車架車呔設定下去迎戰。全日既焦點就發生咗! 係咩呢? 密切留意下一集 "大家的RC" 啦😄!

最後多謝 PYC 各工作人員，幫我擺車既 "大家的RC" 團隊，拍攝既 "柏帥父"，同埋 RC Cox 送比賽員既獎品，同埋贊助我地channel 既 sponsor: rcMart。