KO PROPO BSx2 One10 Grasper 實地測試

KO PROPO BSx2 One10 Grasper

 

實地測試 由 "安西教練" 處理,
廣告影片 由 "比利羊" 製作~

 

https://www.youtube.com/watch?v=SWH93rgolYk&list=PLowj3w3CY_F6LxiCnwaA-JAxyluorot6r&index=1

沒有最好，只有更好!⋯⋯

今次實地測試既 Servo 係 KO PROPO BSx2 One10 Grasper，呢一隻係行無刷摩打既 servo，廠方命名呢一隻 servo 為 "Grasper" 意思上解為 "抓着"，即係指會提高轉向性能。我玩咗十幾年車，玩過各式各樣既 servo，林林總總既品牌我都試過，揸上呢一隻接近千元既 servo，做工外型稱得上一絕，加上 servo 印上大大隻 Grasper 字樣，加埋原裝既全黑色電源線，感覺好惡形惡相。

安裝好之後已經急不及待去試下手感同埋速度，一如既往，速度上跟本就唔需要懷疑，一個字"爽"! 跟住輪到我會擔心嗰一 part，會唔會震得好緊要? 出奇地，唔太震，我之前買過一隻其他牌子既 servo，佢嗰隻係出名 "震" 同埋 "熱"! 响 KO Grasper 就無呢個情況，之後再試下微微咁去擺動嗰轉向，感覺好跟手。

差好電，搽好呔水，講多無謂落地實測! 試咗一圈遊車河，確保所有機件正常妥當，準備下一圈瘋狂轟油。感覺轉向反應精準，同我所做既動作係一致，喜出望外既係，回呔反應更有力，應該係受惠於 servo 金屬上層設計。未換之前，我有一個灣轉得係唔係咁好，換咗 Grasper 之後，感覺實在好多，可以好放心去處理嗰一隻灣。

玩完一餅電，返回 pit 位探一探熱，完全無過熱既問題，只屬微暖。睇返自己既 lap time，當然唔會快咗幾秒，畢竟自己都係用開 KO 既頂級 servo，不過明顯行出嚟既感覺更穩定，只要再多操練同習慣，時間一定會有提升。玩咗車都接近十幾年，用過不同牌子既搖控同埋servo，但我一直都喜歡用 KO 既 servo。

從第一隻 KO PDS2143 - KO PDS 2413 - KO RsOne 10 - KO Rs One 10 Response，當然都有試用過唔同牌子既 servo，始終對 KO 既 servo 最有信心，以上我提及到既型號，到現在仍然都未退役，所以我覺得，呢啲叫做 "貴買平用"。

最後我有一樣嘢可以分享比大家，好多人會話 : 「Servo 要同枝搖控同一牌子，先至係 perfect match。」 呢一個 topic，可以話係啱一半，有一啲牌子會用一啲特別既方式去令隻 servo 傳送速度有所提升。不過如果你覺得係啱既話，點解你又唔用該品牌既電變呢? 佢地都有出ESC，都係標榜 perfect match，但事實話比大家知，呢個理論唔係咁受名界歡迎，大家都係偏向其他品牌既電變，不過深信大家亦都好少咁樣去佩搭。而我亦唔係去挑戰大家，只係去分享我既經驗而已。

A1戰場 ~ 第六回 (衝力射球)  (T4-16 PYC SET-UP SHEET)

 

大家一睇嗰Topic唔好誤會呢一次我同大家講踢波，係因為今場比賽末段發生咗戲劇性既變化，老洪架車好似波一樣咁比Jackie一射入網，十分精彩，加埋主編既剪接同製作，令呢場比賽重播生動攪鬼。

講返呢場比賽先，今次比賽既control呔，大會選用Teampowers既35XH。我個人認為呢套呔用嚟比賽係非常合適，因為唔需要做大量既事前功夫，只需用“$10開呔神器”摌走呔中間條骨，就可以作賽甚為方便，而最重要係大部份既選手都可以做到好快既單圈，令賽事更加緊湊同公平，稍有差池就會被後車追上。

今次比賽我都有好多既時間準備同測試，試咗好多唔同既設定，摩打/ 彈弓/ 油壓/ roll bar/ 頭差速/ 車殼...... 咩都試下，最後我都係用咗附上既setting作賽，今次比賽既layout屬於高速灣型，所以設定上，我會針對返尾部既抓著力同穩定性。

下一場比賽，我會伙拍PC仔(黑頭雙剎)同埋Jackie仲有一班PYC之友上TRC比賽，希望今次可以凱旋回歸。



 

木念日記 "Racing Line"

木念日記 2016年5日13日 (晴) "Racing Line"

 

初初同班車友去付費賽車場玩車， 由於不習慣新場地，最初完全不知從哪裡開始練習好。一時搞下車架設定，一時又搞下電變設定， 搞來搞去其實都不知自己搞什麼， 我和車友都覺得不是辦法，於是請教一下 "安西教練"。教練建議我們由行車線開始。

安西教練：「 你地不如先由 Racing Line (快車線) 開始練習啦, 你地D線位時左時右，行車線個個圈都吾同的........ 你見D快車手都係行同一條行車線架！」 教練補充說~ 快車線的路面是最有抓地力的 ,其他旁邊的線位由於很小有車行走會積聚大量沙塵，車軚只要行走這些多塵的路面抓地力即時減低，想快都難，而且快車線路程短，圈速快，所以一定要好好練習。

我練習了一段時間後，發覺總是記不住快車線的準確線位，而我的車友會把線位畫在紙上方便練習，但此方法對我不太有用，教練說可以試試把賽道分成四線，規定自己每次都是行走指定的路線，例如直路規定行三線，入彎行一線，出彎行二線 ，這方法對我比較受用及容易掌握， 總之各師各法，受用便可。

 

那麼要練習到什麼程度呢? 要盡量一排電每一個圈都行同一條線才算合格， 由慢車速開始練習，總之一定要行走準確線位才慢慢加快車速 ! 現在練習多了，行車線較以前穩定，反車機會亦減了不少，慢慢可以開始練習其他技術。

~木念先生~