A1戰場 ~ 第十回 (Serpent 4X)
内附 : Serpent 4X SET-UP SHEET @ ACO

 

 

Felix，今回輪到你啦! 點解我咁講? 明既人會明，唔明就算。咁點解今次會有英文䆁本? 因為我唔知Felix本人/佢啲朋友識唔識睇中文，同埋佢提供既資料都係英文，所以先有英文板本既A1戰場。⋯⋯

 

入返正題先，Felix Law 係香港其中一個頂尖既車手，佢應該叫全職車手。贏過唔少大大細細既比賽。最代表性，我相信係今年美國舉辦既 Reedy Race，佢係入咗去 invitation class 到比賽。

嚟緊八月既世界賽 Felix 就會用全新設計既 Serpent 4X 參戰! 而琴日佢就用咗呢部新車响 RCF 試一試水溫，最後响 Modified Class 以 A3 完成。

條蛇係咩色? 仲未有定案，最終出街係咩色，要到時先知。而 felix 部車係有啲紫色既。因為暫時廠方都唔比車手公開照片，所以未能提供 Felix 部車既相片。

以下就係 Felix 既賽後報告~

第一次揸呢部車既感覺良好，由於响第一場初賽掃齒既原故，所以無咗第一場既 TQ。 呢架車既轉向反應非常直接，暫時唔係咁多車手可以適應到咁銳利既轉向，大家都努力去搵更好既車架設定。

Team Powers 隊既 Thomas Hui 都係揸緊呢部新車 (就係我地較早前 post 嗰部)。 而 Thomas 响今次既比賽中都係名列前茅，Felix 同 Thomas 都滿意今場車既測試，亦相信係一個好既開始!
_______________________________________________

A1 Battlefield ~ Chapter 10 (Serpent 4x)

Felix, it’s your turn now. This chapter is belong to one of the great driver in Hong Kong (Felix Law) and his new car (Serpent 4X). The below messages are Felix’s impression and comments about his car and the race:

The car was pretty good for the first time. I miss the TQ due to a striped spur in Q1 on the last lap & effected the race result. The car have a very direct steering feel. it's a little toward the responsive side, not too many people can get used to it. I still looking for a easier to drive setup to be fast.

Thomas also driving the same car, he also have a quick pace. with the car still pretty new in term off setup, I believe its a good start.

I believe car have potential. But as if right now, it's not for everyone.

 

 

 



 

A1戰場 ~ 第九回 (小洪杯)

内附 : T4-16 SET-UP SHEET @ TRC

 

 

琴日又完成咗另一場賽事~ Hkrcsa 香港電動車公開積分賽 round 2 (俗稱“小洪杯)，賽例好簡單，一套場主“小洪”揀選應為可以用一套呔可以完成晒成場賽事，佢既宗旨，係想盡量減低賽員既成本，同埋想多啲人去參與遙控車既活動，我本人非常應同和感謝小洪既諗法。係我地商業既社會上，係好難得! 我計一計比大家知點解，非月票賽員報名費$220，control呔1set市價約$150，即係報名費$70，如果你入到A組，應該可以玩到八餅電，即係每餅電$10都唔駛，如果你再叻仔啲，入到各組別既三甲(A,B,C,D組都有)，仲有 TRC $100 cash coupon 禮物，咁你話係咪蝕埋比你。

 

講返場賽事，今次既 control 呔用上各賽員都應為既呔皇 Rush 40x (小洪今次都對我地幾好)，天氣都係酷熱，再次挑戰在場人仕 / 車架 / 電子嘢既耐力，今次比賽既 layout 屬高速少灣型，但有兩個重 brake 位，所以摩打電變過熱 / 掃齒 / 斷皮帶既事時常發生。今次由 seeding round / qualify 到 final 都係非常之緊湊，未到最後一刻衝線都不知到鹿死誰手! 响我第二場既 qualify，我只係讓咗 1次比我快既車，我竟然跌到總成績排第十，每場 qualify 既氣氛其實都好似跑緊 final 咁，各賽員都盡力去爭取最好既成績，最後我攞到當日既 TQ，實在 “得來不易”。

 

既然初賽緊湊，決賽又點會唔精采呢，三場決賽，頭三名賽員(Ray Poon, 阿𤋮同我) 分別攞咗一場頭車同二車，最後以各頭車最快既時間再比較，所以最後 Ray poon 冠軍，阿𤋮第2，我第3。

今次既比賽，車架上既設定無乜改動，我用咗我之前既 PYC 設定去跑，問題都不大。我主要再測試返 Maclan 4.5R 摩打响 TRC 既表現，我自己都覺得滿意，不過仍然有地方要改進。最後附上我既設定表比大家參考下。下一站我會再上 ACO 或者 JV 車場繼續做我既測試。



A1戰場 ~ 第八回 (新思維)
内附 : T4-16 ARS SET-UP SHEET @ PYC
 

 

由於近排都好多人問我關於車架/電子嘢既調教，所以今次我希望可以詳細分析返今場比賽既設定同心得，會比較詳盡少少，請見諒。⋯⋯

 

先講天氣，溫度36度，地面高達62度，絕對係考驗賽員/輪胎既能耐，不過我在此要感謝工作人員既付出，响高溫情況下工作，順利完成賽事，感激!!

今次既 control 呔，Teampowers 35xh，係 35! 你無睇錯，咁熱仲用 35 係有點那過，不過佢仍然都做到嘢，best lap 都夠快，但 drop 得好快!

所以駕駛風格上唔可以太進取，若你電頭用過咗，電尾係無可能守到快既時間，所以你要好好養呔 (即係就住揸)。呔水仍然係黄V3，切勿煲呔，搽 6~8 分鐘便可，响條 track 行兩三隻灣，就足以進入最佳狀態。

自從室內場開幕後，我好少响大場玩，有部份時間放响 1/10 carpet 既設定，另一方面，我又走咗去玩 1/24 mini car。先講 1/24，我去到 mini 車場，我只係一個新手，咩都唔識，幸好有場主同在場既高手指點下，都叫做玩到下，我提升咗不少反應，响 mini 場 5分鐘唔撞，係非常困難既事，所以當你响 mini 場訓練到少撞，當你出返大場既時候，你會覺得一切都變得容易，有大量既時間來比你收正，轉啲彎都比以前圓滑咗。另外，我响 mini 車架上，我係用咗 1隻好快既摩打，開頭我都覺得我係可以 handle 到，1/10 大車 4.5 開大 turbo 我都揸得掂，無理由 mini 5600kv 攪唔掂既，點知我真係攪唔掂，直至我調低咗極速既 end point，我先可以駕御得到架車。所以 1/24 令我提升咗駕駛既反應同埋摩打既調教。

今次既比賽，我大約操練咗3日，响第一日第一餅電既時候，我一心諗住練好一身好武功既情況下，約4分鐘既時候，發生咗一次嚴重意外，車架高速直射台底，二樓板 / 摩打 / 電池 / 電池架全部報銷! 幸好 T4 被譽為“裝甲車”，經一晚維修下，車架已回復原型。 响第二日既操練，我反復測試不同既摩打同電變既設定，我發現車速太快會令今次比賽既輪胎加快損耗，所以最後我選取用 Maclan 既 4.5R，因為佢既加速比我用開既摩打更加線性，加速來得柔滑，迫力更收放自如。

完成咗兩日既操練，大至上應該都無乜問題，我仲有時間整理咗張 setting sheet 比啲老友參考。咁啱我响 Facebook 見到 Xray 廠手 Bruno 部車係用 ARS，同埋較早前有位來自澳門既朋友問我關於 ARS 既設定，橫掂仲有一日試車時間，咁我就試下用 ARS 試跑，原本我自己嗰套 ARS 都用咗半年，所以我就問咗 "比利羊" 借咗佢嗰套，因為佢好少玩，所以成套 ARS 好少虛位同正型。最後我睇住 Bruno 張相參照返佢既設定，再加埋自己既感覺去調教部車。第一餅電，果然 lap time 有所提升，無咗以前難揸既感覺，整體時間都快咗，由其電尾仍然感覺實在。不過 ARS 仍然係唔可以太大動作去駕駛，過大動作，佢仍然係會好易甩尾。

當大家用 ARS 既時候，如果你想調教尾 Toe-in，係要好似原本咁替換 I.S.S. 粒粒才可，切勿用 ARS 推桿去調教，因為會改變ARS 既反應。所以當用 ARS 既設定時，應該要配合 set 車架使用，即是當你既 I.S.S. 粒粒設定為 2度，咁你用 Toe-in 尺量度都要係2度 (左右都係)，如果唔啱，先再用ARS推桿去調教，大家留意。

最後送上兩款 setting，如果有咩問題或唔明白，都歡迎大家詢問。