一齊嚟回味下, 國際盛事 AOC 比賽.

一齊嚟回味下, 國際盛事 AOC 比賽~

 

“主編” 走訪咗一日 AOC 比賽, 除咗好攰之外, 今次比賽仲有少少意料之外。

星期日 “主編” 一到 PYC, “安西教練” 就叫做 Live, 如果大家有睇, 相信都知道, 賽事直播係非常刺激嘅, 做咗兩場直播之後, “主編” 就準備好似平時一樣, 嚟個賽車大特寫, 希望拍到比賽嘅節奏, 放上 YouTube, 但係勢估唔到, 突然間落大雨, 所有比賽要暫停, 最終要用第一場, 決賽成績定勝負。

“主編” 一心來到 PYC 為 “安西教練” 打氣, 竟然終止比賽, 令到 “主編” 十分失望, 而且拍唔到世界級高手嘅走姿, 有點遺憾。不過~

喺呢個時間, 大家都得閒, 咁樣就夾咗幾位車手嚟做訪問。相信大家都睇咗琴日 Alexander 嘅訪問, 其實仲有幾位嘉賓, 不過要啲時間整理好先至可以出街, 而且仲有 WORKSHOP嘅片段, 要等 “安西教練” 交埋畀 “主編” 先至可以剪輯新一集嘅 “大家的RC”, 所以大家都要等一等, 因為實在太多相同太多片。

第一次做咁大型嘅國際比賽, 的確有啲緊張, 但之前累積落嚟嘅經驗, 可以係拍攝時, 拿捏得恰到好處!

最後, 女人化妝係重要嘅, 大家睇下啲相, 成個 PYC 變成一個國際級嘅賽車場。

 

A1戰場 ~ 第13回(團隊動力)
 T4-16 SET-UP SHEET @ PYC & ACO

 

 

Thomas Hui

上星期日，又係Teampowers既第四回，今次既冠軍係啱啱由第二個車場轉過嚟PYC坐房，佢就係Thomas Hui，而Thomas亦都係Teampowers既車手。

今場車除咗佢自己有信心之外，連我自己都覺得Thomas會贏，因為由試車開始到練習，都跑到非常突出既圈速同大時間，不出所料，初賽亦都較輕鬆咁攞咗TQ。 到左第一場final，佢有少少甩漏攞唔到應有既節奏，起唔到圈，被逼退下火線。但到第二/三場final，發揮返佢自己應有既水準，成功第一次响PYC攞到TQA1。

今次Thomas係揸Xray T4 2016，無乜大改，改左原廠頭尾碳臂/薄六角/頭1.3尾1.2roll bar/金屬轉向，而佢亦都改咗RC cox 既頭直濕杯/三節棍/尾狗骨/Top Racing頭白皮帶，同埋Race opt既progressive彈弓(橙色)。

 

車架方面針對返今場Teampowers既control呔，油壓冇用到PSS同埋冇用到ARS，因為套呔反應偏快，想set返架車穩定d。

 

那邊箱，ACO亦都舉行咗GQ Race Rd3。上回主角“龍一”又比佢輕輕鬆鬆咁攞到TQA1，唔知佢隻“飲殼”花咗未呢?

 

咁我又做咩呢? 今場車發揮得唔好，幸好比賽當日有貴人扶持，如果唔係“影都無”，真係要多謝佢~~!

Thomas Hui 父子兵上陣。

“團隊力量”成員

 

A組三甲, Thomas Hui, PC Boy, Daddy Jackie.

Stock組，teampowers車手包辦1，2名

ACO 舉行 GQ Race Rd3, “龍一”輕輕鬆鬆咁攞到 TQA1。

 

Xray T4 2016

 

 

又係佢, 秘密武器!