RCPHK 已經搬咗啦~

之前 "主編" 同大家介紹過，室內迷你賽車場 RCPHK 已經搬咗啦！

今日舉行咗一個私人聚會，等一眾會員，可以試下新跑道。

地方大咗，靚咗，設備又多咗！如果對外開放，我就會通知大家地點。

仲有個秘密， 遲啲同大家再講！

好片重溫 XPOWER IDT 掌上名車
https://youtu.be/8qaBg1U7vJk

KO PROPO EX-LDT

KO PROPO EX-LDT

早前 "主編" 看到一則日本RC新聞， 內容是講述兩位車手的有趣測試， 測試地點在埼玉縣的川越市 - speedway 賽道。

兩位車手同時操控 3Racing FF20， 而遙控器方面，大家同時會使用兩個型號，KO PROPO EX-LDT 及 EX-RR，原因是想找出兩支槍型遙控，誰的手感比較好，能在比賽中有助車手發揮。

由於兩支遙控器都是同一生產商，所以轉向軚盤設計是完全相同的， 分別在於油門控制，原因是 EX-LDT 採用了新設計的扳機 (拉雞)。

2018年5月在 "靜岡 Hobby Show" KO PROPO 首次公開展示，經過兩年的研發，終於可以運用在產品上 。

新設計的扳機，是把整個組件水平放置，有別於傳統的垂直放置。根據廠方發佈的資料，新設計的板機，是參照人體工程學，有多項細緻調教，大家可以參閱本文的圖片。

在 speedway 的測試中， 最快單圈時間，得到了以下結果～
( 資料來源，今期的 RC Magazine )

小池先生
EX-LDT 13.33 秒
EX-RR 13.38 秒

長谷川先生
EX-LDT 13.33 秒
EX-RR 13.56 秒

這是一個有趣的參考結果。

"主編" 已經查詢過代理，小弟訂的 MC-8 已經到貨，到手後會影相分享給大家。 當然也順便查問 EX-LDT 及 EX-RR 到貨時間，大約會在五月中。

後記～
由於新設計的扳機，是參照人體工學，所以希望代理能夠提供試握機會，有助大家購買信心！

TT02 SR 製作花絮

TT02 SR 製作花絮

剛剛完成咗較為困難嘅改裝，改變 TT02 嘅轉向幾何，改成近似 Tuning car 嘅幾何，目的係改善轉向反應。

首先 "主編" 選擇咗 Yeah Racing 嘅金屬轉向改件，呢套改件係超抵，一套只係賣 $90，而孖星嗰套，要分開兩套買，成二百幾蚊！

最重要嘅係～ 呢套改件連桿，係冇起骨嘅！所以鑽窿嘅時候，比較方便。

連桿設計系雙V型，除咗要避開中軸嘅倒轉V型外，仲有水平嘅前後V型， 令到轉向推桿更加平衡，成一直線。

為咗再加大轉向幅度，底兜嘅兩邊都磨走一部分膠件，轉向水撥就要鋸走尾部。

完成～ 整個轉向同未改之前，真係差好遠。

又要繼續努力！

Tamiya TC-01又有新相片發佈

呢兩日炒到熱哄哄嘅 Tamiya TC-01又有新相片發佈, 可以同大家作詳細少少嘅分析。

首先 "主編" 係玩過 F201，咁樣就容易啲講解。

TC-01 係 F201 嘅進化版，傳動結構上可以話係相同，不過今次就換咗 TB04 牙差，唔再用珠差，可以承受更快嘅摩打。

重心分佈跟 F201 唔同，電池同摩打前後對調咗位置，從外觀上好容易察覺！

新車與時並進，設有 downstop， A臂吊碼，可加減介子調教 camber， 由於前後A臂使用波頭，所以尾部設有 ARS。

有朋友提出，電架會磨到地下， 呢個係會出現嘅情況，可以使用短電池改善，而且在相片中，睇唔到有防傾桿配置，使用短電池可減少 行車搖擺。

至於大家好關心嘅耐用性，照 F201 嘅經驗，稍後時間好可能會出混碳膠件，更大機會有第三方廠商出碳纖維底板 conversion kit，玩呢部車嘅朋友，要有心理準備，花費不少。

而另一個戰線，其實睇個名，已經有弦機。點解唔叫 FE-01? 其實新車輪距，同使用一般賽車呔，已經睇得出呢個車架，相信係任何超低重心房車殻都裝得落！所以～ 以前 Tamiya 出唔到嘅車殼, 相信好快會同大家見面，而 "主編" 就好期待，究竟會唔會出 "童夢零"？

就算你鍾唔鍾意呢部車嘅設計，或者你覺得佢化簡為繁，口裏說不，身體卻很誠實，要買嘅朋友快啲去訂，相信第一批車會畀人搶購一空。

最後重申一次 "主編" 已經訂咗， 希望老婆冇睇到!

田宮模型新品 TC-01

田宮模型新品 TC-01

車架設計以 Formula E 為主題，配上四輪驅動， 前後雙A臂懸掛系統，再以複合式車殼，還原真車矯流器出風口， 仲有標誌性嘅人字拖 (駕駛員保護架) 真係睇到心仔卜卜跳！

由於完全冇資料，有待跟進!

1/24 Volvo A60H 6×6 Dump Truck (G6-01)

田宮模型香港旗艦店 Tamiya Plamodel Factory HK
1/24 Volvo A60H 6×6 Dump Truck (G6-01)

早前影片已經同大家介紹過 A60H, 今日就畀埋啲相片大家睇睇，玩具得嚟又有一份吸引力。