深夜研究所~

 

 

經過一晚很疲乏的工序, MG EVO 差不多了, 原因日間 "主編" 要東奔西跑去補習社, 剛好又遇上小一派位, 要給老友打氣!

講回正題, MG EVO 堪稱史上最難穿線的遙控車~
首先 "主編" 是由 ABC 完全移植遙控部件到 MG EVO, 大家不難發現 MG EVO 車架長了, 但可放遙控部件的地方, 反而少了!

"主編" 要切割電架, 才能在尾部放入 Futaba 接收, 電子變速也要放在二樓板上, 一連串的電線非常頭痛! 要小心走線捆綁才能順眼。

早前拍了照片傳給 “安西教練” 他的回覆是…… “去吧! 牛雜號”。這朋友真不錯, 沒有了他, 我是激不起製作的火, 現在才算完成!

今次試車, 盡量少 Option, 因此 "主編" 換了, 車輪金屬六角接合器, 選用短電池, 兩件電池重量不同, 測試車重對操控的影響, 還有一兩對彈簧, 這個不算是 Option 吧!

另一件奇怪的事, 就是製作車殼, 下回再和大家分享!

本文同時在 3Racing Taiwan 登出, 大家看看我的文筆就知道, 台灣的朋友你們好!

https://www.facebook.com/groups/165057004190110/?multi_permalinks=169103530452124&notif_id=1527990528454584&notif_t=group_activity

 

3RACING MG EVO 補充資料~

有朋友問 “主編” 關於 MG EVO, 238mm 軸距防傾桿安裝, 如此不如同大家分享!

 

 

製作 3 Racing MG EVO 良伴~

 

 

身邊開始有朋友製作 3 Racing MG EVO, 第一句嘅回應係~ 大嘆冇電批! “主編” 同佢講, 當日我哋嘅製作, 都係得一支電批, 其餘都係要用手扭。不過當日我係用緊支新批, 見 ”安西教練” 近排出好多評測報告, 我又同大家分享下! 原因我套批, 市面上暫時未有得賣, 喺廠商送畀小弟用, 只是如此, 因為冇乜好寫, 估唔到撞到一個咁有挑戰性嘅環境。

呢套批係 EDS 出品, 手柄係重新設計, 重點係偷輕, 同上一代比較, 輕咗 5g, 由 33g 減至 27g, 揸上手係輕咗, 但分別不大。手柄上嘅窿, 憑經驗已經知道有一個用途, 就係打橫插另一支批落去, 借力開一啲好實嘅螺絲同機米, 通常喺 2.5以上, 先會用呢個方法, 總好過用鉗仔, 鉗實嚟扭。

一次過用咗支批六七個鐘頭, 我諗啲窿係有少少作用幫你手心散熱, 雖然我哋喺室內開行冷氣, 但用力扭嘅時候, 都要揸緊支批。

批咀睇落同上一代差唔多, 上螺絲時, 係可以搵到一啲有工差嘅螺絲頭, 但係唔知耐用程度, 不過一般工具用上一兩年係冇問題嘅, 尤其今次經過艱辛嘅考驗, 合格完成。
順便提提大家, 製作 MG EVO 時, 盡量唔好換鋁螺絲, 因為螺絲頭好容易撻, 除非你有時間到, 逐個窿攻牙, 同埋揀支好啲嘅批!

 

安西賽車部 - Hobbywing V10 G3

 

 第四件新產品就係用咗Hobbywing 新出既G3 4.5R，好難先買得到，出面長期缺貨。喺我入手之前，我都問我老友借咗隻頗新既V10 G2試下手感先，恕我直言，G2唔係我想要既嘢！
但試咗G3後，完全唔同晒，頭中尾段明顯改善好多，加速快而線性，好容易就做到理想既圈速。

性能既嘢，應該唔需要我多介紹，反而我想講多啲維修既注意。由於呢一款摩打，全開放設計，容易啲污糟，而尾蓋啤呤亦更換唔到(一體化連埋sensor板)，所以更加要勤加保養！曾經有人話呢款摩打好難折同組合翻，所以我抱住一個好艱鉅既任務去處理，反而我又唔覺得太難，只要睇以下既圖你會容易處理。