安西賽車部 - Hobbywing V10 G3

 

 第四件新產品就係用咗Hobbywing 新出既G3 4.5R，好難先買得到，出面長期缺貨。喺我入手之前，我都問我老友借咗隻頗新既V10 G2試下手感先，恕我直言，G2唔係我想要既嘢！
但試咗G3後，完全唔同晒，頭中尾段明顯改善好多，加速快而線性，好容易就做到理想既圈速。

性能既嘢，應該唔需要我多介紹，反而我想講多啲維修既注意。由於呢一款摩打，全開放設計，容易啲污糟，而尾蓋啤呤亦更換唔到(一體化連埋sensor板)，所以更加要勤加保養！曾經有人話呢款摩打好難折同組合翻，所以我抱住一個好艱鉅既任務去處理，反而我又唔覺得太難，只要睇以下既圖你會容易處理。