A1戰場 ~ 第五回 (Team Work) (T4-16 TRC SET-UP SHEET)

 

 

啱啱上星期，過咗一個愉快既周末，參加咗一場高水平既賽事，今次既 "A組" 有來自 "ACO" 既好手 "Simon Yeung"， "Ricky"，"龍一"，全職車手 "Felix"，同一衆 "TRC" 既猛將一決高下。最後 "Simon Yeung" 架駛佢架 "Xray T4 2016" 力壓群雄，攞咗今場既 TQA1。

 

而我今次係同 "偉高" 既 "PC" 加埋 "TeamPowers" 既 "阿就" 一齊上去參賽，雖然我地隸屬唔同既車隊，但今次我地好似化身做 "PYC" 第一小隊上去迎戰。响比賽中，我地互相幫助，尋找最好既 setting 同呔水既佩搭，各人都替隊友做賽前既準備。

 

最後都已 A3/A9/B5 晉身決賽，成績不俗。雖然 "PC" 响大好形勢下落敗，但各人都响呢兩日都有所得着，真正做到友誼第一，比賽第二既精神👍🏽。

 

而我今次响 "TRC" 亦都試咗好多車架既設定同佩搭，希望下一次我地會捲土重來同攞到好成績🏆。

 

 最後梗係送上今場主角 "Simon Yeung" 既 TQA1 設定。多謝乾師兄~!