大家的RC

2018年10月27日星期六

安西賽車部～大功告成 T4 2019

今次夥拍年輕車手一齊完成，呢部車亦都係屬於佢！明天佢就會試行呢部新車，亦會拍低佢既試行片段。日後佢都會同大家分享佢既心得同佢係邊位人兄！密切留意。

今日先攞到車，二人合力砌車共用咗五小時起貨！大致順利，無乜甩漏。砌車要點，請大家參閱返比利羊主編既 youtube channel 睇返！

溫馨提示：一字記之曰：順！

因為年輕車手砌 Roll bar 時，太大力扭粒“機米”導致 roll bar 有過份扭曲現象，上下移動不暢順，其實輕輕收緊，已經ok。而佢亦分享咗佢砌油壓既心得，原來佢收油壓蓋亦唔會過份扭緊，如太緊，會導致油壓肺變型同唔耐用！希望下次佢可以拍條片再同大家講解。

講住咁多先！明天再續

DYNAHEAD G6-01 TR 6x6

Tamiya 早前已經推出兩款 G6-01 6x6 越野卡車, 分別有拖頭版本及校巴版本。
稍後的時間, 將會推出 DYNAHEAD G6-01 TR 6x6 版本 ( TR ), 驟眼看上去, 換了車殼及車輪, 並冇兩樣, 這樣你就錯了!

TR 首次用上移軸結構設計, 在車輪轉向杯内, 加入一組齒輪, 齒輪作用有兩種。

一般傳動結構~
狗骨直接轉動狗骨杯, 再帶動車輪, 軸心連成一致。這樣的結構, 我相信大家都明白!

移軸結構~
在轉向杯内加入一組齒輪, 從而將狗骨及狗骨杯間距分離, 增加車高之餘又可以確保狗骨不會太傾斜, 令狗骨轉動時, 保持暢順及減低磨損。

轉向杯内的齒輪, 加入了減速功能, 增加車輪扭力, 有助攀爬。但同時會減低車速, 不過可透過馬達級別及齒輪比再調教。

更換輪呔的原因是, 要用更大直徑的車鈴, 銜接轉向杯。

圖中所見 TR 六條避震筒, 是不能入油的, 希望正式上市時, 可以跟回入油的油壓筒。

( DT-03 也有這樣的先例 )

六輪卡車轉彎比較遲緩, 所以更改四輪轉向, 是其中一項重要考慮!

最後~ 天文數字的 bearing, 如果不是玩水, 最好還是一同購入。

“田宮模型” 一向比 “主編” 的印像是, 樂趣凌駕於速度, DIY 彈性極高, 只要你有創意, 就可以創造出獨一無二, 屬於自己的 RC。

AXON HIGH BORE SHOCK II

AXON 油壓筒

朋友送咗套 AXON 油壓筒比 “主編” 試用, 呢套油壓筒, 嚴格啲嚟講, 係一套改件!
油壓筒本身設計係對應 XRAY T4 2018, 但你必須要有原裝波頭 / 波頭膠 / 油壓頂膠 / 彈弓, 先可以組裝完成呢套油壓。

“主編” 部 T4 2016 都想試下用呢套油壓筒, 因為重心低啲 , 不過仲要換埋油壓架, 咁樣先大功告成。

AXON HIGH BORE SHOCK II
內裏值得留意嘅地方, 係跟已經打磨好嘅3窿油壓瓣, 提供埋氣溫同油壓油嘅參數, 遲啲整好先同大家再分享!

2018年10月18日星期四

安西賽車部 - Xpress cup初步設定

由於小弟近期好忙碌，所以都好耐無update過。今次分享既設定仲係T4 2018, 需然我用咗19既設定表，原因新既設定表內容更豐富，可以清晰表達車架各項細節調教。同埋當新車落地時，我都會用呢一個設定去試新車！

今次既設定，比較穩陣，放棄咗早前不穩既原素，換嚟更穩定既操控感，經多人測試過，大家都有正面既回應。

至於新車幾時到？我同大家一樣都係“等”緊。希望今個星期會到！一有消息一定通知大家。

MTS Mini 4WD Conversion Kit

近排有朋友問我買乜嘢車好? 我通常都會問佢, 喺邊度玩?
玩遙控模型, 場地先係主角, 你只可以改變手頭上嘅裝備, ,但唔可以改變個場地!

自從 “油麻地車場” 開咗之後, 各人都玩M車, 原因 “油麻地車場” 特色係 “細”, 場中唔難搵到各大車廠出品嘅M車, 如 3 RACING / ABC HOBBY / XPRESS, 都係比較受歡迎!

XRAY 豪華版M車, MTS 自家登場~

如果大家係 T4 系列嘅支持者, 年年換車, 咁樣舊車點算? 近排 “主編” 落咗幾次油麻地車場, 都發現有一部由 XRAY T4 系列改成嘅M車, 同車主傾咗一陣, 改件係 MTS 早年出品, 並非新産品, “主編” 又長知識了, 産品精美之餘, 根本係賣大包。

MTS Mini 4WD Conversion Kit
( Xray T4 2015 / T4 2016 / T4 2017)

咪往! T4 2018呢? 最後先同大家交代。

MTS 呢套改件街價約 $800, 内容就精彩啦~ 包括 / 底板 / 二樓板 / C座 / A臂 / A臂PIN / 長短皮帶 / 油壓架 / 萬向……等等。

組裝基本上係搬字過紙, 換上短A臂, 調教呔尺推桿, 一般玩家輕易完成。
最後, 如果玩開 T4 系列, 又打算買 XRAY T4 2019, 咁你就唔好嘥咗部舊車, 可以考慮下將佢改為豪華版嘅M車, 加入油麻地呢個戰團! 好好玩㗎。

* T4 2018 改M車版本~
由於 T4 2018 改用了更短嘅油壓筒, 所以要改M車, 需要另外改回長油壓筒。

3 RACING SAKURA FF EVO 登場!

3 RACING FF 賽車, 已經來到第5代了, 集合過往的經驗及實戰數據, 新車終於登場。
先來看看 FF EVO 的要改動~

針對 Blinky 賽事, 齒輪比設定為 2.6, 方便車手選擇不同的齒輪組合。
更新了車殻柱位置, 更適合安裝短車頭款式車殻。
底重心短油壓, 使行車反應更加靈活敏捷。
零虛位金屬轉向組件, 與 Advance 同級。
碳化A臂, 與 Advance 同級。
鋁合金及碳纖維板組合 Servo 座。
開放式齒輪波箱, 加速直接。

10.9級鋼螺絲。