點樣剪轆位
原本今晚想整下車殼，但係實在太多私人事務，唯有同大家分享下 "主編" 點樣剪轆位。
由於剪殼係經常嘅事，索性整張紙樣嚟剪轆位。
大家可以下載有六個轆嘅圖片先，圖片中有比例尺， 用你嘅方法列印出嚟，記得 check 清楚，比例尺係100 mm， 如果 window 直出，小弟部電腦就做唔到， 要轉用繪圖軟件列印出嚟先啱比例。
先剪好車殼，再將紙樣剪出嚟，挑通中間，對位，雙面膠紙黐實，再用彎剪剪出轆位。
車殼預設高度為8mm，再低會刮殼， 記得車㗎要上好電池，如果唔係高度會有變！
希望大家啱使～
沒有留言:
張貼留言