大家的RC: Team CSO V4M 2020 ～

Team CSO V4M 2020 ～

前排 "主編" 已經見到有媒體報道，關於 CSO 新車消息，所以都想了解一下，從圖片睇嚟，係一部中置電車，咁圖片背後呢？當然係搵老友問一問啦，Team CSO 老闆 "食防腐劑大嘅 - 趙善安先生 (安頭)。

由於 "安頭" 佢神龍見首不見尾，差唔多要掟埋西瓜落海佢先蒲頭，所以報導略遲，今次嘅對話非常輕鬆，"安頭" 是個非常開朗及善忘嘅人。

安 - Billy 做緊乜？
B - 返工。
安 - 乜你要返工㗎咩？
B - 我唔返工點樣妻活兒呀！
安 - 係喎，係喎，你個女返幾年班？
B - 返咗中學啦！
安 - 吓! 上次你唔係話手抱㗎咩！

言歸正傳，做乜鬼嘢出部 V4？
其實整嚟自己玩，順便整幾部畀朋友，搞下搞下佢哋話不如拎出嚟賣。

今次 V4 有乜賣點？
其實整部車嘅設計係由 V3 改成中置，大部分嘅零件都共用，當然會用新底板，新二樓板，新摩打座。

幾時賣街？
而家有朋友玩緊，都係之前訂購，遲啲先會公開發售。

大約幾錢？
如果你就朋友價，賣街大約千七蚊左右。

零件喺邊度搵到？
零件可以喺極速，鍵銓，RCTEC 有售。

後記～

短短一個電話，都係閒話家常。今次 V4 相信大家都唔會陌生，平民化價錢應有盡有，唔使另買 Option，但 ARS 就欠奉。

如果大家覺得了無新意嘅，你又錯喇！因為 T4'21 已經轉咗長搖臂，嚴格嚟講 V4 係一部新配搭嘅車架。

大家的RC