3M矽質潤滑噴劑

 今日同大家分享一支 3M矽質潤滑噴劑

由於玩緊 GL Racing GLR， 車友介紹用呢隻潤滑劑，對應走珠差速。
一般走珠差速，都會使用專用潤滑劑，定時爆散隻珠差。呢隻潤滑劑嘅好處係有噴嘴，加上長管，可以直接噴落珠差度，唔使爆散，方便好多。

由於係矽質潤滑劑，冇揮發性，可以在物件表面保留一段時間， 而且夠大罐，氣壓穩定，唔會一噴出嚟，一係就冇得出，一係就周圍濕曬。

使用範圍可以睇番圖片，包括潤滑，清潔，保護，如果想購買，就要去到大型五金鋪，碰下運氣啦～ 大約 $80 一支。