安西賽車部 – T4 2020初步評測

安西賽車部 – T4 2020初步評測

大家好，又到新既一年，今年XRAY比過往幾年更有誠意! 打造咗一部全新既車架。可能你會話有乜咁特別? 咪又係一部中置佈局既車架！

所以我同大家分享下我對呢部車既睇法。

首先，今年XRAY拍咗一系列既宣傳片，講解關於呢部新車係如何用約六個月時間打做出嚟，我本人响呢既條片入面，聽過唔知幾多次介紹”EASY TO DRIVE”!
深信XRAY知道上一代T4 2019係比過往幾代難揸 (佢係最快，但相對地難找到一個完美既設定)，而今代各地廠手測試時都對此新車評價為”容易駕駛” ，另佢地可以安心控制油門，從而提升更快既圈速！
而晌新既一季歐洲頂級賽事ETS第一站，XRAY車隊包辦快車組別TQ,A1,A2殊榮，最重要係有兩位冇咁大名氣既XRAY車手都躋身於A組入面，可見新車架既實力!

另外，我想講既係新車架用咗較低調既黑色，對一眾XRAY車迷（包括我本人）大跌眼鏡，新車砌起後異常單調，我真係想向XRAY投訴點解轉向臂果條橋唔轉埋黑色，好讓大家方便轉其他顏色！
不過我睇完啲宣傳片望落啲廠車手車架度，只要改下啲橙色鋁螺絲，加返啲適量”心情件”，都睇得下。其實廠車手Alexander Hadberg都有介紹因為今年XRAY車架大部份都係新設計，所以改用黑色，而黑色比較低調同比人感覺PRO一點，畢竟HUDY工具都係用黑色為主題，因此完全沒有違和感。

最後提一提大家有邊幾樣option件先買:

- 金屬頭直杯
- 加硬馬蹄膠
- 電磁架

暫時先介紹呢幾樣，因為今年真係要試過車先知。

至於車架既細節事項及行駛評測，留待日後再同大家分享。
如有其他問題想知，歡迎PM我地，多謝大家既支持!