恆冠推出 Hummer (悍馬)

先頭部隊已經喺前線空投咗 Hummer|

大家聽住~

先頭部隊已經喺前線空投咗 Hummer
三分鐘後大家就空降
由於唔想直升機嘅聲音同氣流造成危險
所以由大家跳出運輸機後直至着地
再加多8分鐘
黑鷹先會到
落地後跟住個 GPS
搵番最近嗰部 Hummer
邊個到先 邊個就係司機
開車接應返你身邊嘅隊友
再喺北面建立據點
大家記住
跳出呢個機倉後
最少有12分鐘冇任何支援
用你哋能力完成任務
記得唔好死 明唔明白

以上嘅情節係咪好緊張呢?
今日同大家分享軍事RC模型~ Hummer 美軍多用途作戰車。

 早年 Tamiya 已經出過 1:12 Hummer (悍馬), 車架由 TA02 改成, 當年 “主編” 朋友有一部, 小弟親自鑑賞, 最後放棄購買, 感覺有點夾硬嚟!

再過幾年 Kyosho 出 1:8 版本, 有別於其他模型, 1:8 版本是分期盒裝, 在日本便利店, 書店出售, 由第一期儲到第N期, 買齊全套價錢約 5K HKD, 如果斷咗一期, 你就死啦! 

Kyosho 版本係行引擎, 鍾唔鍾意就見仁見智, 雖然引擎聲音係非常吸引同像真, 但係喺都市裏面, 玩引擎車係非常難找地方, 而且車殼外觀是平民版, 不是軍事版。

終於入正題啦~
恆冠推出 Hummer (悍馬), 由於只有圖片, 未有任何資料, 所以唯有見乜講乜!

圖片所見車身非常像真, 可開門、 開尾蓋、開頂蓋、有引擎, 差不多是軍事模型級數, 而且可以轉波, 按照恆冠嘅作風, 應該會推出 KIT 版同 RTR 版, 咁樣 “主編” 應該難逃一劫。

車架由雙龍骨構成, 中央為摩打及波箱, 而且所有組件集中係中央, 留有大量空間給車廂, 可惜未見到有美軍司機出現。

值得留意~ 轉向杯及尾杯設有移軸設計, 減少 “萬向傳動軸” 傾斜度, 從圖片中看見, 遙臂與萬向並不是平行。

外殼塗裝可自改非常多版本, 墨綠色、迷彩、 沙漠啡、 白色印上UN聯合國、 紅十字救援, 真係你想點玩就點玩。

軍事模型有著佢背後嘅歷史故事, 呢樣就係令大家著迷之處, 如果你喜歡玩 War Game 嘅話, 就更加有臨場感, 買部旁身都應該。