幾年前自己得閒冇嘢做嘅作品!
今日喺部電腦嘅深處, 比我搵返幾年前自己得閒冇嘢做嘅作品。
今日喺部電腦嘅深處, 比我搵返幾年前自己得閒冇嘢做嘅作品。
作品同PYC遙控車場 “完全無關”, 係因為嗰排我成日去車場玩車, 所以想搞下貼紙!
如果大家唔厭悶, 可以睇下相片裏頭嘅註解, 講下創作。
再重申一次, 圖片純粹個人創作, 與 PYC 遙控車場完全無關。
通常朋友問我, 有關佢嘅作品意見, 我都會咁樣問, 你嘅作品會用喺邊度?
因為如果唔能夠實戰, 單純睇一件作品, 基本上好難畀意見!
做一個 Logo, 通常都會在一系列產品印上, 基本上唔能夠單一去睇個 logo 嘅設計, 所以要放係展示舞臺, 先能夠睇得清楚 Logo 嘅壓枱感。
PYC 有好多可愛貓貓, 除咗 Logo 之外, 仲可以利用場地嘅獨特性, 加深客人嘅印象!
呢一個標誌, 其實我是想用來印在獎盃上。
一個 Logo 嘅誕生, 其實要經過好多個唔同嘅創作組合, 簡單啲嚟講, 係橫向思維~
一般人諗嘢嘅排序, 橙, 蘋果, 香蕉, 士多啤梨……
做創作嘅人諗嘢方法, 橙, 熱狗, 炒飯, 打邊爐……
同樣都係食物, 但係深化之前,。會作出好大嘅嘗試。
呢個其實係 banner, 先撇除側邊兩塊葉, 我個人比較喜歡呢個 Logo。
PYC 三個字其實來自跑道嘅曲線, 配上格仔旗, 格仔旗本身, 做上不規則, 感覺有時代感, 再加上紅白, 標準賽車顏色。
Banner 本身有黑色底和白色底, 如果用在戶外, 黑色底會比較好!
葉片是襯托出冠軍感覺, 只會用在banner上, logo 還是比較清簡好。
今晚同大家講到呢度, 有機會再同大家講講, 有關創作嘅有趣地方。
好似點解啲貼紙睇落好靚, 但係貼落架車度唔好睇?
車殼最難搞嘅平面?
點樣先至可以影得部車靚唔靚? 真係有排講!
