大家的RC: 1月 2018

安西賽車部～ Protoform Type S 評測

好耐都無更新過，小弟由於忙碌自己既工作，比較少時間玩車。同埋我想試清楚部T4 2018同枝K.O.控，所以好耐都無發表。今次測試既新車殼，好多車手同玩家都一致好評，圈速有所提升，我當然一有時間都整返隻試下！

先講制作，今次新車殼設計聲稱用咗好長時間去硏發同測試，而我覺得今次係有進步，車殼轆位已預留刻度比用家作識別，唔洗較估或用尺去量度，另外都附送轆位貼紙(其實其他廠已經一早有)。

廢話少說，直接落地測試！我今次係用Pro-lite version，老友已提點隻殼好易爛，小心啲。我先試行一餅電，第一隻灣已經感受到車殼既分別，第一下反應明顯無 Montech Racer殼咁強，再行多幾個圈習慣下，試下進擊啲既車速，點知賴嘢，嗰車尾郁一郁，反咗車仲停响路中心，嗰心離一離，$180玩咗幾圈！好彩仲未爛，個頂花晒啫。第二餅電再試，適應過後，開始感受到傳聞既灣速，响灣位明顯轉得快同細咗，同埋整體易揸過Racer。

最快圈速快咗0.2秒，而5分鐘大時間都快咗2秒。不過，今次我既測試用一隻新既Type S vs 殘既 Racer，當然係唔公平。所以下一次我會用新既Racer再比較過。

Awesomatix 新産品~

車呔增加壓力套件 (名稱由主編暫譯)
香港著名車手 “Fai Ho” 剛在個人 facebook 發佈一輯圖片, 内容是 Awesomatix 的新產品。

傳統行車加壓原理~

行車的時候, 氣流經過車殼產生向下壓力, 通過殼柱連接底板或油壓架, 再將壓力傳到油壓筒, A臂, C座, 轉向杯, 最後去到車呔, 從而增加車軚抓著力。

新產品概念~

直接在轉向杯上安裝金屬支架, 金屬支架末端頂著車殼, 行車時車殼產生的向下壓力, 直接傳到轉向杯上, 減少影響懸掛系統及壓力流失, 直接增加車呔抓著力。

( 以上只是説明概念及理論, 實際效能有待驗證 )

相片來源 : Fai Ho

請留意~ 留言中有一段影片, 按下殼柱但車殼不動!
https://m.facebook.com/story.php…

ENSOTECH Swave E 1:28 電子變速

早前, 長期支持 “大家的RC” 嘅澳門朋友, 比咗個短訊 “主編”, 想我介紹下 ENSOTECH Swave E 1:28 電子變速, 佢話澳門嗰邊好流行呢隻電變, 想有多啲資料睇睇!
“主編” 第一時間諗起 MMS 車場, GL Racing 老闆 Menson, 即刻揾佢問問。
對話内容~

Q. ENSOTECH 同 GL Racing 係咪關聯公司?
A. 唔係~ 但兩間公司都會有一啲合作。

Q. 咁你有冇用過呢隻電子變速?
A. 當然有啦, 我可以分享下。

Q. 不如先介紹下呢隻電子變速?
A. 呢隻電子變速係可以對應 ”有感” 或 ”無感” 摩打, 體積非常細少, 輕量化, 而且程式設定非常接近 1:10 大車電變, 有齊所大車功能, 設定非常完善!

Q. 經驗所談, 以香港細車場尺寸, 呢隻電子變速有冇過 ”爆” 先?
A. 呢隻電子變速係專為 1:28 車仔而設計, 早前有某啲牌子嘅電子變速, 因為要迎合 1:16, 1:24 及 1:8 電單車多方面使用, 所以在未調教或調教得不恰當時, 會出現加速過快嘅情況, 呢隻電子變速就唔會啦!

Q. 我聽朋友講, 呢隻電子變速可以喺手提電話修改設定?
A. 係呀~ 電變會跟埋一條專用線, 上網下載官方APP, 就可以連接手提電話, 設定電變程式, 不過暫時只得 android 版本, ISO 要等等。

Q. 市面上嘅出售形式係點?
A. 電變分為單獨購買, 或者跟摩打套裝, 係廣華街有售。

以上內容, 純屬嘉賓個人感受, 敬請留意!

網址~
http://www.swave.ensotech.ltd

016 掌上名車
https://youtu.be/WYqaNJUn1MM

雷虎 1:12 攀爬車 RTR

早前 “主編” 同大家介紹完 1:10 攀爬車, 今日又同大家講下 “台灣雷虎” 生產嘅 RTR 1:12 攀爬車 ( 入電即玩版 ) ~

雖然話係 1:12, 但係車架跟足 1:10 縮小製成, 車架行 / 前後直軸 / 有啤呤 / 四連桿獨立避震 / 絞牙油壓筒 / 防水有刷電子變速 / 大概係咁上下, 大家可以去 “雷虎” 嘅網頁睇下。
“雷虎” 網頁裏頭, 有條官方拍嘅短片, 不過 “主編” 搵嚟嘅 YouTube 版本, 由玩家自己拍, 拍出攀爬車嘅味道, 大家可以欣賞下!

聖誕前會到貨, 大家留意香港代理 “環球模型” 嘅公佈。

Youtube 影片 (非官方)
https://youtu.be/dPDzMrHFHsY

SANWA M12 中文說明書下載

“主編” 早前喺網上搵到 SANWA M12 中文說明書, 諗咗一排, 究竟好唔好分享畀大家? 就係呢個時候 “大家的RC” 英國朋友 “巫巫” 就出手啦~ 將整個 pdf 上傳喺佢嘅 google 空間, 所以大家可以去download 啦!

特別多謝~ 翻譯製作 “喵小籃”
( 中文版本並非官方所翻譯, 其內容可能有錯誤, 敬請留意! )

SANWA M12 中文說明書按此下載
https://drive.google.com/…/13GDrgzKi_VSTBrgl5hsh72jj5…/view…

大家的XRAY~

大家的 XRAY~

2017年最完美嘅結局, “遙控車學會盃” 我哋玩 XRAY T4 嘅朋友, 喺唔同組別, 都能夠獲得獎項。
最匪夷所思嘅係 “主編” 都有收穫, 實在非常意外!

睇人寫都睇咗好多次啦~ 今次都輪到 ”自編” 多謝贊助商!

一直全力支持 ”大家的RC”, 提供車架, 零件, 遙控嘅 “環球模型”
提供拍攝, 儲物, 玩車比 “主編” 嘅 “粉嶺黃崗山 PYC 賽車場”
Maclan 電子變速及摩打

由於唔知幾時再有下次, 所以請大家包容下。

Gizmo GZ2C 2018~

簡單啲嚟講 “主編” 相信呢一部係冷門車, 如果冇代理, 零件供應係一個好大嘅問題!
先講講上一代 GZ1 同 GZ2 最大分別先, GZ2 改用金屬波箱, 再配上二樓架, 比起 GZ1 一體化波箱二樓架, 係剛性同維修上, 較為切合實際需要。

車架特色~
唔使多講, 我諗大家都睇到, 呢部車有兩個大減齒, 而摩打就係放喺呢個大減齒中間, 通過兩條冇連接嘅皮帶, 構成傳動系統。

廠方說明~
呢個設計可減少流失動力, 而且可以將重量, 分配在車架中軸線上, 亦都係市面上唯一嘅車架設計。

懸掛系統~
前後搖臂可全方位調較, 附設 ARS。為了簡化零件及方便維修, 前後搖臂 / 推桿 / 防傾桿 / 完全相同, 可互相調換組裝, 下搖臂為鋁金屬製品。
GZ2 還有一個地氈版本, 對應金屬底板及傳統二樓板。

好啦~ 睇完基本資料, 又要用用腦袋嘅時間!
先講講摩打座設計, 由於要同一時間, 使用兩隻大減齒, “主編” 覺得齒輪比嘅選擇, 應該唔多。
另一方面, 從圖片中睇到, 車架中央, 放置了一大件銅碼, 相信重新分配, 並非如此平衡。

總結~
大家仲記唔記得, “主編” 曾經介紹過 Tamiya TB EVO.7, 最終嘅評語係, 新一代車架設計。
遙控車嘅設計, 除咗本身嘅特性之外, 其實最大嘅問題係, 電池擺位, 電池容量增加, 而體積縮小, 已經係大趨勢, 可以騰出更多空間去, 重組車架設計, 係比較著數。
近期嘅新車, 比較進取嘅設計, 都係將 “油壓” 放置水平位置, 從而降低車架重心, 但係就要付出複雜嘅架構, 去遷就懸掛系統。
而 GZ2 “主編” 覺得車架相對簡單, 而獲得重新分配重心, 性價比較高, 相對於已經擁有傳統車架嘅朋友來講, GZ2 在操控上, 一定會有完全唔同嘅操控感, 不過 “主編” 唔敢講, 新嘅操控感係咪一定啱你。

後記~
還記得 Team Losi JRX-S Type R, 數年前 “主編” 從朋友手上借嚟玩過, 非常好走, 可惜冇後繼車。