真實記錄 3Racing 團隊, ONETen 大作戰!

真實記錄 3Racing 團隊, ONETen 大作戰!

by Ka Lok Joey Chan

 

 

一連兩日嘅 ONETen剛在上星期六同日在TRC舉行。比賽模式幾特別，分為兩日成績決定最後名次。最多5套呔跑14場賽事！比賽時間有4，6，8分鐘！輪呔分配對策相當重要！

賽前準備：
輪胎兩星期前左右才到車場！而測試時間通常都在下午5-6點之後，感覺都係頭3排電比較好跑！摩打就調低到大約23度左右（公發摩打未到，仲收到風⋯⋯話隻摩打得2400kv！原來係說明書寫 24xxkv...!最後再 check番原來有成3000kv左右）......好彩冇影響車架設定.......！！！
晚間測試時間都係跑 15秒頭左右！係13.5 blinky !

比賽星期六：
照舊失眠到朝早，八點左右到達車場！～咁少人嘅！原來好多都未到！呀之呀咗等摩打同買呔，點知啲呔吾夠之餘仲係未 mark..... 搞到11.15先開波......
Control practice 由兩轉改做1轉5分鐘。

P1： 1號新呔-----跑3圈最快.... 最後排第9返嚟.......Qualify變做第一組1號車........其間聽到阿喬話舊呔好跑一點！！！

Q1 : 1號呔第二轉，又好似幾好，5圈後帶返嚟.....1車.....總成績排第8！

Q2 : 1號呔第三轉.......開始有推頭嘅感覺，時間又慢咗....3車返......尼 ronud排第9！

Q3 : 2號新呔......第2圈後直帶返嚟....1車......尼轉總成績排第7........ 也是7號車進入 final.......!!!

F1 : 3號新呔.....起步後都是保持7車位置到第11圈，隊友 Rex讓咗我過！第6名過終點！

F2 : 4號新呔......入咗夜，信心大咗....！！其實想跑高DD位置，前面嗰幾架基本上係追吾到!

吾比佢地返 lap當贏！起步第2圈有失誤跌咗落9車，狂追之下，第6圈已經追上第5位直到終點........best lap 15.374 僅次於Jan 同張生......！！！
F3 : 2號呔第2轉.....個人開始散散地！Jan贏咗吾跑！起步正常，第2圈上咗5車，第8圈上到4車....最後4車返！

今日總成績排第6.....吾錯啦！
新呔仲有1set同2set跑咗一轉！又要諗吓星期日嗰6場點分配。

比賽星期日：
正常地又係冇乜點瞓，不過又幾精神禾！
P1 : 3號呔第2轉.......6車起步根據琴日嘅排名......3圈.......頭6架3圈相差不夠秒半，第6名入qualify...... !!! Traction 好過昨日早上.......！！！

Q1 : 3號呔第3轉.....起步後跌落7車到第12,13圈又有失誤！損失咗4秒左右！7車返...... 總排名第9......有D驚因為今日係用 bump up.....! A組9架再加一架B1....！！！

Q2 : 4號呔第2轉......起步後上過4車，第6圈時落返5車到最後....... 尼 round總成績居然係第5名.....救咗我！

Q3 : 4號呔第3轉.......仲有1set新呔點解吾用尼？因為頭先嘅第5應該足夠入A組前9名(14分），如果今round快咗或慢咗，仲有 round4去追......... 5車起步後第一個灣甩尾，跌咗落7車跑到最後.........總成績又係第9名.....！！！

Q4 : 5號新呔...... 起步後感覺到頭呔太靈，好容易上島....... 7車返嚟！總成績排第8........ 4揀2得13分......第7名入A組........ 任務完成...... ！！！

Final ：5號呔第2轉........8分鐘....... 目標係吾好俾阿 Jan番lap.... 起步順利，頭5圈同占記，志雄哥糾纏咗好耐！小小接觸後又跌咗落8車...... 第6圈開始狂追到最後兩圈，在左下角攝內檔過咗韓國籍 James......大家都keep住一個車位出直路（係左右，吾係前後） 我死都吾縮油出直路！........之後就保持第7名返嚟！

兩天成績加埋係第6名....... 心滿意足啦！！
多謝 ONETen 提供部份相片!!
最後還要多謝以下嘅 support.....!!

#3racing
#TeamORCA
#SpeeDomeRC
#MKSservo



 

 

 

3RACING ADVANCE EVO 2K18~

3RACING ADVANCE EVO 2K18

 

係咪好想擁有呢? 重新做過個盒面, 大家見唔見到有個中文字呢!
盒面其實係玩下, 上次 Xpower ITD 我都整過一次, 純粹自娛。 好喇~ 啲門面嘢已經夠啦, 休息兩日再同大家講下 2K18 嘅製作過程!



3Racing 2K18

今晚繼續 3Racing 2K18 嘅製作!

 

 

今次嘅目標除咗砌好呢部車之外, 亦都希望盡量展示呢部車嘅氣質。

而家嘅情況, 只係差四條油壓筒就完成喇, 呢個留待明天!
“主編” 盡量簡單講講, 設計人嘅敏感, 當遇到啲環境, 產品 或者相片, 望落去嘅時間, 總係有少少唔舒服, 但係又講唔出乜嘢嘅原因, 咁我就會好有興趣咁去尋找根原。

2K18 泵把頂膠, 轉咗一塊好靚嘅金屬片, 從線條製作, 基本上係美品, 呢個升級係好合理嘅!

但望落部車嘅時候, 金屬片太過吸精, 而在前油壓架嘅曲線條及泵把嘅弧線對比下, 金屬片嘅直線輪廓, 顯得格格不入。

 

好在廠方提供原有嘅混碳件, 相比之下, 混碳件就好似油壓架嘅倒影, 再次望落部車度, 目光投放於車架, 感覺和諧, 開始欣賞細節。

 

另一方面, 電池活動片, 我 cut走原有突出的部分, 再反轉裝, 功能沒有改變, 但望落順眼好多!

原因究竟係乜嘢呢? 活動片背後係二樓板, 二樓板與底板形成平行線, 感覺車架低重心, 但係電池活動片上突出的部分, 破壞咗平行線線條, 令二樓板感覺短咗, 破壞咗車架修長嘅感覺。

 

 

 

以上兩點改善, 其實唔影響部車嘅性能, 只不過係 “主編” 從美學嘅角度, 同大家睇睇 2K18。

未試過用咁有賽車味道既水龍頭！

未試過用咁有賽車味道既水龍頭！

 

 

3 Racing M4

3 Racing M4

 

 





早兩日去了 Xpress Cup 採訪, 不論比賽及氣氛都非常熾熱, 各獎項已經有得主了。
當日順路去探探 3 Racing “祺哥”, 在 “主編” 威迫下, 挾持了 “棋哥” 做了一個簡短的訪問, 親口講述 M4 使用長A臂的謎團, FGX 2018 上市情況, CIVIC 車殼的無了期押後原因!
現在~ 大家可以看看相片先, “棋哥” 的訪問, 會在較後時間上載於 Youtube Channel。

“祺哥” 及 “主編” 都向台灣的朋友問好, 所以 “棋哥” 的訪問, 會加入中文字幕, 希望台灣的朋友可以更深入的了解 3 Racing。

 

還有 “棋哥” 說很喜歡台灣, 來不來台灣和大家見面, 就要看台灣 fans 你們的熱情了!

説回 M4, 圖片以展示長短電安裝情況, 主要取決於轉向組件, 安裝在波箱上, 騰出更多的空間。

CIVIC 車殼是上色完成品, 車殼內部看到絲印的情況。

 

最後都要推下廣告!
你的訂閱, 就是 “主編” 最大的推動力, 要睇小弟怎樣在遙控界撞板, 請訂閱 “大家的RC” YouTube Channel 及 facebook。