大家的RC: 3月 2017

2017年3月17日星期五

A1戰場 ~ 第十六回 “迷”

上星期又上演咗Teampowers Cup 2017，首先恭喜Jackie再下一城贏得冠軍。不過今回既主角係我老友Barry Wu (阿就)，今場車“阿就”憑著努力既操練同埋獨特既設定下，取得今場既TQ，雖然未能已A1圓夢，最後已TQ/A3企响頒獎台上，可知道，贏你嗰兩個絕非等閒之輩，一個“Jackie”一個“龍一”，兩個都係穩定見稱，所以我個人覺得雖敗猶榮，希望你今次得到一場寶貴既經驗，下一場再殺過。

未講“阿就”既setting之前，首先講今場車既background先，今次選用既Control車呔仍然都同上一回Teampowers Cup一樣都係“32S”，理應大部份既賽員應該唔會對呢套呔陌生，不過今次比賽既traction比上一次高好多，而呢套呔响咁高traction下，產生既問題會更大，即係咩問題呢? 過咬通常係會“cup車”，但呢套呔係會“甩尾”，令到部份賽員感覺好“迷”，當然我唔係想講呢到呔係有問題，呢到呔如果你掌握得而，圈速同耐久性都係無問題，不過對一啲好轉既車架或者一啲高速入灣風格既車手會⋯⋯構成好大既影響。

而今次“阿就”用咗特別既設定去底銷咗呢個問題，基本上大部份既設定同大家差唔多，不過佢車尾部份係同好多人好唔同，仲要係非常冷門! 就係車尾脾碼用“尾插水”! 咩叫尾插水呢? 就係尾部既頭碼(RF)低過尾碼(RR)，咁有咩用呢? 呢個設定既特色係“off power steering significance increased” 即係收油同埋灣心既轉向會有所提升，當然出灣會下降，正好底銷咗呢套既入灣甩尾既問題。而我响第三場都有跟呢一個setting去跑，的而且確係感覺車尾部份穩好多，但係同自己既駕駛風格唔太match，未能充分發揮到呢一款setting。不過阿就係反覆測試下搵到呢一個合適既setting，所以真係要比個“叻”佢!

除咗用“尾插水”可以解決呢一個車頭“過咬”既問題，而另外“龍一”都有另一個方法去解決(其實係“米高羊”試出嚟)，就係選用一啲比較穩定既彈弓，(唔好用一啲太過有progressive反應既彈弓) e.g. Race opt Orange/ Axon Linear 2.8/ Xray Linear 2.7 etc.... 以上嗰啲彈弓都可以解決車頭過咬既問題。另外，如果你係用PSS油壓既朋友，用返原本1.1x4孔既油壓都可以減輕呢一類既問題，仲有車尾彈弓都不宜用較輕既度數，用一啲硬既彈弓都可以撐住車尾，無咁易甩尾。所以我另外一個老友Dicky用咗我提供比佢既solution去比賽都响決賽中取得唔錯既成績同圈速。咁最後點解我本人又跑得咁差? 因為我自己响嗰一刻同其他既朋友一齊“迷”緊。唯有屢敗屢戰~! 希望今次既分析可以幫到對呢場比賽發揮得唔好既朋友啦!

安西賽車部 (Reedy Blackbox 510R + Reedy Sonic Mach3)

內附Teampowers cup T4 starting setup

上星期除咗測試咗車殼同鋁底板之外，就係重點測試咗Reedy新款電變同摩打。先講摩打，今次試咗Modified既4.5R，從外觀上，實而不華既設計，黑色鏤空鋁殼，全金屬既sensor尾蓋，磁力屬於中性，中尾段加速唔錯，相比舊款Reedy既摩打，造功無乜挑剔既地方，隨摩打跟埋既扁身sensor線，未必適合touring使用(略長)，不過Reedy既市場定位都係on/offroad兼備。

而Reedy既新款Blackbox 510R，外型上唔會有太大既驚喜，都係大路穩陣既設計，全黑色鋁殼，預計安裝30mm既風扇，唔需要加adaptor之類既嘢，不過風扇並不包括在內，需自行另購。但係電變既“設定盒”係跟埋(都好過無)。先講設定上既細節先，較中位係同其他品牌有別，緊記細閱說明書既細節(其實唔係好難)。調好中位之後，就試用自己沿用既數據去調教設定，齒比大約7.74，先試第一餅電，摩打感覺好線性，頭中斷唔會過爆，而電變亦唔算高溫，之後再慢慢調教brake既detail位，呢一款電變對brake既調教係最豐富既，Brake Frequency基本上係現今頂級電變應有既設定，而Reedy仲要細分Drag Brake frequency同普通Brake frequency，因應車手既手感同摩打既特性，從而改變brake/ drag brake既調換。另外其餘既大路設定，當然都可以响Reedy度調教。再試多幾餅之後，再試用英國廠手Chris Grainger既設定再試，感覺上再柔順，加速更線性，最重要係圈速有明顯既進步。

今次對呢一個電變既評分如下(10分滿分):

外型: 電變7分摩打8分

調教: 電變9分摩打n/a

性能: 電變8分摩打8分

整體上，Reedy 510R屬於高階型既電變，新手未必可以完全發揮到電變既可調性，不過官網有不同場地車架既設定表可供下載，同埋說明書都有對每一項調教作出解說，所以Reedy電變同摩打係一個唔錯既選擇。

最後梗係上埋今個星期既甜品，就係我嚟緊星期日比賽既T4 2017設定表，暫時都幾滿意，希望星期日會有好表現~!

安西賽車部 (Bittydesign M410車殼/ Xray T4 鋁底板Asphalt)

响上星期試咗好多新產品，首先送上啲頭盤先，介紹下新嗰隻Bittydesign既M410房車殼，响我既測試期間有幸遇到Eagle Power Shop揸弗人“Michael”借咗佢隻試板Bittydesign M410車殼(當時仲未有得賣)，外型上都係同大路既房車殼無乜大分別，不過車頭燈位置有好深既陷入位，同埋車頭比較直無LTCR咁斜，試跑咗一轉，係有啲驚喜，比想像中轉(因為之前有人話偏推)，而佢轉得嚟比LTCR更穩定，不過車殼尾翼座位置有啲薄弱，希望賣街既板本有改善到呢個問題。據消息，“風騷哥”都買咗隻仲要噴埋車花，我都要入返隻先。

第二個頭盤就係試咗响“立青”asphalt地用鋁底板，因為個人認為鋁底板應該係响好高traction下先會發揮得到，不過自從上一個月“華基一役”之後，“華基”話比大家聽鋁底板响唔咬既情況下都可以發揮得到，所以PYC多咗好多人去搶購同用鋁底板玩車。咁我當然都要去求證下，由於我嗰部T4係原本攞嚟跑地毯場，車架上無乜太大既修改，換⋯⋯一換彈弓同肶碼既膠粒就攞去Asphalt場跑，跑咗幾個圈感覺竟然係唔覺自己跑鋁底板，再細心揸下感受下車架既動態，開始搵到揸鋁板既手感，再試多幾餅電後，發覺鋁底板原來响唔太咬既程況下都幾好跑，圈速時間都好搵定，有啲平時碳板會出現問題既位置，响鋁板度係唔會出現。不過另一個問題我就發現到，鋁底板自己跑係無乜大問題，不過行既線位無碳板咁靈活多變，我需要多啲時間去測試，希望下一次可以再同大家做更深入既評測。

過兩日會奉上主菜，記住緊貼我地既channel。

A1戰場 ~ 第十五回列強爭霸 ( 附 BD8 / T4 / LRP ESC / SETUP)

A1戰場 ~ 第十五回列強爭霸
(附 BD8 setting sheet & LRP esc 設定, 附 Xray T4 2017 setting sheet)

大家好，又要報導下啲戰場實況，齋睇個Topic“列強爭霸”就知大家對今場車既戰意幾咁濃烈! 因為嚟到Teampowers今年既尾場亦都係PYC本年度最後一場比賽，而各車廠新車已經發布晒，所以各車手都想响呢一場比賽去爭取好表現及爭標。

咁首先，我報導下13.5stock嗰面先，平時我地都好少講stock嗰面，原因係太悶，因為Teampowers車隊“志強”架駛住佢部MTS T2响5場贏咗5次TQ並4次A1，每場都係輕鬆既姿態勝出。不過不能抹殺“志強”既努力，真係見佢放好多時間响練習，恭喜佢攞到全年總冠軍啦!! 咁點解“志強”攞咗5次TQ不過贏得4次A1，因為有位宗師級車手忍唔住要挑“志強”機，要破佢全勝姿態。佢就係“Lobo”! 今場“Lobo”駕駛佢架Top Racing 既S4單皮帶車架迎戰，憑住超靚既線位同埋凌厲既摩打動力，成功贏咗今場既冠軍。

頭驅FF方面，又係一面倒，TQA1既阿Rex Chan，駕駛住佢部3 Racing FF Ex，贏幾秒既姿態勝出，而阿Rex亦都係攞到佢既全年總冠軍!! 希望我可以問到佢比佢既setting sheet同大家分享下。

去到主菜啦，1/10 Modified! 今場要入A都有啲難度，揸住95同92分都入唔到A組，因為初賽時，已經戰意十分濃烈，往往有啲意外發生，導致排名都有大上大落。經過三輪初賽後，A組十大分別有: 3部VBC D09, 2部Xray T4 2017, 2部Yokomo BD8, 1部MTS T2, 1部Tamiya 419, 1部Roche Destiny。今場TQ 係轉會到VBC既Thomas Hui奪得，另外我老友Dicky都入到今場A組十大。

要贏一場比賽，除咗車架，車手既練習同準備，都好重要，再加一點運氣就更加如虎添翼! 不過今場車，我自己總欠缺一點運氣，由初賽到決賽，幸運之神並不靠近我，意外總發生在我附近，導致成績未如理想，加埋第三場Final起步既失誤，我開始“跳掣”，响落後一圈既情況下，干擾三車LoLoSam比賽既節奏，我謹在此向佢再一次致歉。今場冠軍係駕駛BD8既Daddy Jackie，憑住穩定既發揮同埋有“仔仔”既打氣，輕鬆地贏咗佢今場既A1! 佢仲要係用鋁底板作賽，睇嚟我都要去試下用鋁底板。

最後我都順利攞咗2016年度既總冠軍，而我亦正式停用Viper既電變，响呢度，我衷心感謝Viper/3P對我多年來既支持，帶領我贏個不少既獎項。而下年度，我同主編會轉用Maclan Racing既動力作賽，希望可以爭取更好既成績，而我地亦帶比大家多啲電變設定既資訊。

2017年3月4日星期六

Maclan Racing “MMAX PRO ESC” Setup Sheet~

Maclan Racing “MMAX PRO ESC” Setup Sheet

為了提供最好的客戶服務, Maclan Racing Hong Kong, 已經為其下 "MMAX PRO 電子變速" 發佈調教設定 (Setup Sheet) 主要是對應香港遙控賽車場, 暫時發佈的有 ACO / PYC / TRC, 相信日後會有更多車場設定提供給顧客參考。

ACO RACING TRACK

PYC RACING TRACK

TRC RACING TRACK

2017年3月3日星期五

安西賽車部 - TITC 2017 Modified Class 冠軍寶座!

安西賽車部

恭喜Team Xray連續三屆蟬聯TITC 2015/ 2016/ 2017 Modified Class 冠軍寶座! 另外，Jan Rathiesky都喺stock組攞到TQA1。而今次比賽另一焦點係Modified A組既車手，大部份都用上鋁底板作賽，睇情形，我都要試下用鋁底板跑下asphalt場地。
到而家為止，都未搵到冠軍Bruno Coelho既setup。
⋯⋯

不過Alexander既setup應該都非常接近，而實際上Alexander都係响三場初賽中以百份秒輸咗TQ，所以Alexander既setup亦都可以作為參考。
另一路既奇兵，就係Infinity既車手Jilles Groskamp駕駛住佢部Infinity prototype既車架(並不是SMJ CX11)。响比賽第一日，Jilles响首三輪初賽攞咗頭三輪既TQ，不過之後又比Bruno攞返尾三輪既TQ，最後以二車起步，响決賽中由於有多次既失誤，所以未能企响三甲既位置，但不得不承認，Infinity呢部新車既戰鬥力係不容忽視。
最後送上 Xray T4 2017 stock & Modified既setup比大家參考下。