A1戰場 第十二回 (龍一)
内附 T4-16 SET-UP SHEET @ ACO

 

 

 

上星期日參加咗Michael攪既G force x EPS Race，地點係响粉嶺既ACO，而我今次夥拍一班PYC好友(Leo，Vincent，Dickson，華基，爆朱，Jackie等等......一齊參加，非常好玩。首先梗係多謝Michael先啦，Michael今次攪既比賽，有豐富既獎品同精美既獎盃! 仲有小禮物送，非常貼心。

 

而今集既主角，我原本好想加個名比佢，不過諗咗好耐都諗唔出，其實我地一直稱呼佢既名咪就係佢既網名囉，佢就係“龍一”。大家唔好誤會佢係“龍五”啲friend。 佢有解釋過比我聽點解叫“龍一”，不過我唔公開啦，想知既朋友自己問。

 

“龍一”我由沙埔村“Track Carena”年代已經識佢，佢嗰陣時都屬於一個新手。 但佢自從入咗TRC坐房之後，佢成績突飛猛進! 贏過大大少少既獎項，但近年佢忙於佢自己既事業，少咗出嚟比賽，不過今場車，佢仍然好輕鬆地攞到佢既TQA1，有幾輕鬆? 佢攞獎前同我講: “教練! 你睇我個車殼，一啲都無花”。 我嗰一刻，無言了! 不過“龍一”今次真係發揮得幾好。 所以抵比你贏既!

 





A1戰場~ 第十一回 (絕地反擊)

内附 : YOKOMO BD7 2016 SET-UP SHEET

 

 

香港隊合照, 當中有PC仔, Daddy Jacky , Top Gun, 琪哥 同 洪爺等等……



首先恭喜偉高車手PC仔駕駛BD7 2016勇闖世界賽E組。咁點解E組都叫勇闖? 因為頭3組係全世界既頂尖職業車手(包括多名世界冠軍)，D~F組都有好多Big Name車手坐陣，所以E組都屬於非常好既成績! 而PC仔亦都係香港隊响初賽跑得最高既名次，跑完六輪既初賽排41，而同組亦都有來自PYC車場Roche車手Kiu Chan, 佢駕駛住Destiny RX-10S响初賽排48，well done!
由今年年初既香港選拔賽去到世界賽既第一日，PC仔既表現都屬於強差人意! 响香港既選拔賽，唔知係天氣惡劣還是佢怕涷，佢既成績可以話係“影都無”， 不過總算都可以入選香港隊之列。去到世界賽既第一天試車，PC仔被練編排响第一組，有比賽開既朋友都知，第一組並不是一件好事，因為場地traction遠比較後既組別差，單圈計都輸緊2秒有多，情況非常惡劣，排緊百零，如果無大氣息，佢今次既比賽應該係完結。不過佢响第二日既控制練習中，佢搵到一個非常合適佢自己既setting，從谷底爬返上六十幾既位置，佢之後好似“自信返埋嚟”咁,⋯⋯ 越戰越勇，最終以香港首名既姿態進身E組決賽，可以話佢响成個比賽由香港來到北京嚟過“絕地反擊”~!! 去到決賽，唔知佢係咪開心過龍，响帶緊頭既情況下，在最後一圈電子嘢出現問題，未能攞到佢既分組冠軍，不過仍然保到香港最好成績排第46完成佢既比賽!
 

以下係PC仔既賽後感:

 

 

PYC黑頭雙殺, PC仔專用車花。

 

 

自信返曬嚟嘅靚仔樣。

 

 

世界賽期間 “風騷哥” 親自上北京, 為大家做著場記者!

 

首先當然是非常開心有這成績， 喜就是開心可以找到適合既車架setting和在qualify自己表現很好， 唔開心就是final因自己對esc setting更進取既改變而導致未能完成賽事。但總括都是很開心！

响試車時因得6排電試車， 所以要在短時間內找到setting, 而我因為編在第一組FP, 改什麼都沒太大分別（traction問題)而令到沒信心， 心想只好自己揸好d, 在正式CP時希望可在後面組別做更快時間。幸好在FP和CP後重新編組才感覺車有抓著力， 及後再作出車架一些微調就更加得心應手。

今次我是第一次參加世界賽， 感覺比起本地， TITC或是日本的賽事都要嚴格， 包括呔的處理後不可帶離處理呔的區域， 賽會都是希望能做到盡量公平公正。 這方面賽會是做得非常好。加上流程好順暢， 連接得很好， 機械師或其他人都不可踏入跑道范圍以確保traction。讚！而且還有很特別的開幕儀式， 又有精彩表演和在場很多小朋友和市民打氣， 氣氛好好， 睇到大家都好開心。 再有機會在中國舉辦都會再參與！

 

點解冇左隻電變?
PC仔話: 掛起部車佢, 做世界賽紀念版, 記念佢今次比賽嘅成功。

 

YOKOMO BD7 2016

 

秘密武器, Raceopt Prototype Progressive 彈弓, 特點係冇分上下, 頭尾都係用漸進。