A1戰場 ~ 第十四回 (越戰越強)

A1戰場 ~ 第十四回 (越戰越強)

MTS T2 & TEAMPOWERS ESC SET-UP SHEET

今次既主角只係年僅17歲就已經去到國際級水平既A組十大，同幾位世界冠軍及國際級高手競技，佢就係Teampowers車隊既“方景”。
“方景”比我既印象係一個好勤力既車手，我成日都見到佢响到保養佢自己部戰車，默默耕耘咁不斷練習，所以佢今日既成功，絶非僥倖。

上一戰Teampowers cup已經有不俗既表現，初賽排二車，唯獨決賽表現未如理想，未能三甲完成。今場AOC比賽“方景”以第十三名完成初賽，由於今場車要跑“復活戰”，由初賽第九至十六名以及C組升班上嚟嗰兩位選手爭奪最後兩名A組席位。最後“方景”同埋佢隊友“Thomas Hui”紛紛晉升到A組十大。
去到第一場A組決賽，“方景”亦不是入A當贏既心態去跑，曾經進佔到第六位，可以話係“越戰越強”，最後以8車完成咗第一場賽事。可惜此時天有不測之風雲，灑下一場大雨，賽事亦被迫腰斬。所以“方景”亦以總成績第八位完成今場既比賽。
以下係佢自己既得獎感受同埋setting分享:

今次可以有呢個成績，係同自己想像中都有啲出入。因為係上年AOC 比賽中，我只能夠係F main 止步，而係臨比賽既一個星期因為要出席仁濟醫院既賽事，所以都未有時間進行練習，只可以藉著星期四既free practice 搵setting ,加上係qualify 都只係徘徊在B 頭位置，所以最後可以進入A組同世冠一同比賽，真係好開心。

多謝Teampowers 一直教我車架同電變上既設定，RACEOPT ,WTF ,RC-Cox ,ZAC PROJECT,AXE racing 一直支持我參加不同類型既比賽，令我可以不停進步。

一齊嚟回味下, 國際盛事 AOC 比賽.

一齊嚟回味下, 國際盛事 AOC 比賽~

 

“主編” 走訪咗一日 AOC 比賽, 除咗好攰之外, 今次比賽仲有少少意料之外。

星期日 “主編” 一到 PYC, “安西教練” 就叫做 Live, 如果大家有睇, 相信都知道, 賽事直播係非常刺激嘅, 做咗兩場直播之後, “主編” 就準備好似平時一樣, 嚟個賽車大特寫, 希望拍到比賽嘅節奏, 放上 YouTube, 但係勢估唔到, 突然間落大雨, 所有比賽要暫停, 最終要用第一場, 決賽成績定勝負。

“主編” 一心來到 PYC 為 “安西教練” 打氣, 竟然終止比賽, 令到 “主編” 十分失望, 而且拍唔到世界級高手嘅走姿, 有點遺憾。不過~

喺呢個時間, 大家都得閒, 咁樣就夾咗幾位車手嚟做訪問。相信大家都睇咗琴日 Alexander 嘅訪問, 其實仲有幾位嘉賓, 不過要啲時間整理好先至可以出街, 而且仲有 WORKSHOP嘅片段, 要等 “安西教練” 交埋畀 “主編” 先至可以剪輯新一集嘅 “大家的RC”, 所以大家都要等一等, 因為實在太多相同太多片。

第一次做咁大型嘅國際比賽, 的確有啲緊張, 但之前累積落嚟嘅經驗, 可以係拍攝時, 拿捏得恰到好處!

最後, 女人化妝係重要嘅, 大家睇下啲相, 成個 PYC 變成一個國際級嘅賽車場。